Qazaxda aramsız yağışlar ciddi fəsadlar törədib

Son günlər yağan yağışlardan sonra Qazaxda Ağstafaçay və Coğazçayı, eyni zamanda Kür çayı daşıb.

"Qafqazinfo”nun məlumatına görə, nəticədə təbii fəlakət bəzi fəsadlar törədib.

Mal bazarı və yaxınlıqdakı obyektlər, torpaq sahələri və kafelər suyun altında qalıb.

Hazırda Xram çayının daşması nəticəsində rayonun İkinci Şıxlı kəndi ərazisində də sel müşahidə edilir. Təbii fəlakətin qarşısının alınması istiqamətində işlər görülür, əraziyə texnikalar cəlb olunub.

 

Hələ ki yaşayış evlərinə suyun dolması barədə məlumat daxil olmayıb.

Bölgədə qeyri-sabit, yağıntılı hava şəraiti davam edir.