Ekoloji məsələlərlə bağlı dərslərin keçirilməsi məqsədəuyğundur - Fatma Yıldırım

Məktəblərdə ekoloji məsələlərlə bağlı dərslərin keçirilməsi məqsədəuyğun olar. Bunu deputat Fatma Yıldırım deyib.

"Dərsliklərdə ekologiyanın tədrisi, vəsaitlərin hazırlanması, layihələrin icrası, müəllimlərin hazırlıqlı olması, təlim və seminarların keçirilməsinə ehtiyac var. Bu hazırlanan materiallar həmçinin regionalarda məktəblərdə tədris olunmalıdır. Aiddiyatı orqanlardan bu məsələyə baxılmasını xahiş edirəm",- deputat mayın 27-də elm və təhsil komitəsinin iclasında söyləyib.

Komitə sədri Bəxtiyar Əliyev bildirib ki, Milli Məclisin 2002-ci il qəbul etdiyi "Əhalinin ekoloji təhsili və maarifləndirilməsi haqqında" qanunu var və orada ekoloji biliklərin icbariliyinin vacibliyi adlı bənd yer alıb.

"Baxmaq lazımdır ki, qanun nə qədər bizi qane edir və nə qədər tətbiq edilib. Soruşmalıyıq ki, bu istiqamətdə nə iş görülüb",- Bəxtiyar Əliyev vurğulayıb

www.anews.az