Fransa Polineziyası xalqının Azərbaycanın dəstəyinə ehtiyacı var

"Biz artıq bütün prosedurları reallaşdırmışıq. Millərlə kilometr keçib kömək üçün gəlmişik. Dəstəyinizə ehtiyacımız var. Bilirik bizi başa düşürsünüz. Biz min illikləri olan bir cəmiyyətik. Lakin siyasi baxımdan gənc bir ölkəyik. İstəyirik ədalət sonunda öz yerini tapsın”, - Viktor mayın 30-da Milli Məclisdə Fransız Polineziyasının Dekolonizasiya Hüququ - Çağırışlar və Perspektuvlər mövzusuna həsr edilmiş konfransda çıxışında bildirib. 

Milli Məclisin Hüquq siyasəti və dövlət quruculuğu komitəsinin sədri Əli Hüseynli Viktor MAAMAATUAİAHUTAPU əmin edib ki, Azərbaycan hər zaman onların yanında olacaq.

 

Fransa Polineziyası — Fransanın dənizaşırı kollektivliyi və təsisçi ölkəsi cənubi Sakit okeanın mərkəzində yerləşir. Fransız Polineziyası tam olaraq müstəqil siyasətə malik olan dövlət deyil. Belə ki, daxili siyasətdə müstəqil olsalarda, xarici siyasətdə Fransadan asılıdır. Dövləti qubernator idarə edir və həmin qubernator Fransa parlamenti tərəfindən təyin edilir.

 

Gülnar Nazimqızı