193 ölkə Fransız Polineziyasına dəstək olmalıdır -Marania VAİANUİ

Müstəmləkədən azad olmaq üçün 193 ölkə Fransız Polineziyasına dəstək olmalıdır. Bunu Tavini Huiraatira Partiyası sədr müavinin xarici əlaqələr üzrə müşaviri, Punaauia şəhərində Tavini-nin baş koordinatoru Marania VAİANUİ deyib.

"Bizim azad olmağımız üçün 193 ölkə dəstək olmalıdır. BMT Fransa barəsində qətnamələr qəbul etməsinə baxmayaraq bu qətnamələr icra edilmir. Ölkə olaraq enerji müstəqilliyi baxımdan çox işlər görə bilərik. Okenada dəniz, külək enerjisinin istehsalı üzrə potensialımız yüksəkdir. İnanıram indiki dünyada iqlimlə bağlı bütün proseslərə cavab verə biləcəyik. Xalqımız azad ola bilər”, - VAİANUİ mayın 30-da Milli Məclisdə Fransız Polineziyasının Dekolonizasiya Hüququ - Çağırışlar və Perspektivlər mövzusuna həsr edilmiş konfransda çıxışında bildirib.

 

Fransa Polineziyası — Fransanın dənizaşırı kollektivliyi və təsisçi ölkəsi cənubi Sakit okeanın mərkəzində yerləşir. Fransız Polineziyası tam olaraq müstəqil siyasətə malik olan dövlət deyil. Belə ki, daxili siyasətdə müstəqil olsalarda, xarici siyasətdə Fransadan asılıdır. Dövləti qubernator idarə edir və həmin qubernator Fransa parlamenti tərəfindən təyin edilir.

 

Gülnar Nazimqızı