Səhiyyə Nazirliyinin radiosu fəaliyyətə başlayacaq

İyunun 3-dən etibarən Səhiyyə Nazirliyinin radiosu fəaliyyətə başlayır.

Bu barədə  nazirlikdən məlumat verilib.

Bildirilib ki, radio "Sağlam Radio” adı ilə 93.0 FM tezlikdə yayımlanacaq.

Səhiyyə Nazirliyinin dəstəyi ilə yayımlanacaq radioda həftə içi 5 gün saat 8.00-dan 10.00-dək "Sağlam səhər”, saat 18.00-dan 20.00-dək "Sağlam həyat” verilişləri efirdə olacaq. Bu verilişlərdə Səhiyyə Nazirliyinin mütəxəssis-ekspertləri sağlamlığın qorunması, sağlam qidalanma, sağlam həyat tərzinin formalaşdırılması kimi elmi əsaslara söykənən tibbi məlumatlar verəcəklər.