Rusiya sərhədçiləri Ermənistanın Azərbaycanla sərhədindəki ərazini tərk edib

Bu barədə Syünik qubernatoru Robert Qukasyan jurnalistlərə qeyd edib.

 

"44 günlük müharibədən sonra harada yerləşdirildilər, oradan da getdilər, Nerkin Handı da tərk etdilər, indi orada rus sərhədçiləri yoxdur”, - o deyib.

Qukasyan qeyd edib ki, "Syunikdə Rusiya sərhədçilərinin geri çəkilməsindən başqa heç nə baş vermir”.

2024-cü ilin fevralında Ermənistanın baş naziri Nikol Paşinyan Rusiya FTX-nin Sərhəd Xidmətinin nümayəndələrinin Azərbaycanla sərhəddəki Nerkin Hand qəsəbəsi ərazisində qalmaq mandatı olmadığını deyib.

"Rusiya sərhədçilərinin iştirakı ilə bağlı heç bir mandat və ya razılaşma yoxdur. Bu o deməkdir ki, Rusiya sərhədçiləri orada təhlükəsizliklə bağlı heç bir funksiyanı yerinə yetirə bilməzlər, güman edilir ki, bundan müəyyən nəticələr çıxarılmalıdır”, - Paşinyan bildirib.

Mayın 9-da Rusiya Prezidenti Vladimir Putin və Ermənistan Baş naziri Nikol Paşinyan arasında keçirilən görüşdə əldə edilən razılaşmaya əsasən, Rusiya hərbçiləri 44 günlük müharibədən sonra şifahi razılaşma əsasında yerləşdikləri məntəqələri tərk etməlidirlər.