Hökumət 80 manatın artırılması məsələsini müzakirə edəcək

Müharibə veteranlarının 80 manatının artırılamsı məsələsinə hökumət tərəfindən baxılacaq. Bunu maliyyə nazirinin müavini Azər Bayramov deyib. 

"Sosial yönümlü layihələr hökumətin əsas siyasət istiqamətlərindəndir. Sadəcə bu sahəyə aid olan nazirlik buna kompleks yanaşır və təkliflər də kompleks yanaşmadan irəli gəlir. Çox aktual məsələdir. Hökumət bu məsələyə baxacaq. Hesab edirəm ki, daha geniş müzakirə edə bilərik”, - nazir müavini iyunun 12-də Milli Məclisdə İqtisadi siyasət, sənaye və sahibkarlıq komitəsinin bu gün keçirilən iclasında bildirib.

Mayın 25-də əmək və əhalinin sosial müdafiəsi nazirinin müavini Anar Kərimov veteranlara verilən 80 manatın artırılması ilə bağlı məsələnin növbəti dəfələrdə müzakirə edilə biləcəyini söyləyib. 

Deputat Aqil Məmmədov mayın 24-də Əmək və sosial siyasət komitəsinin iclasında söyləyib ki, veteranlar 80 manatın artırılması ilə bağlı onlara müraciətlər edir. 
 
Ötən ilin noyabrında əmək və əhalinin sosial müdafiəsi naziri Sahil Babayev əmək və sosial siyasət komitəsinin iclasında çıxışında bildirib ki, Müharibə iştirakçılarına 80 mana komunal xərclərin verilməsi üçün ödənilir və bu müavinətin arıtırılmasına baxılacaq.


www.anews.az