"Toplum tv" işi üzrə 3 nəfərin həbs müddəti uzadılıb

Xətai Rayon Məhkəməsində "Toplum TV" işi üzrə saxlanılan Müşfiq Cabbarov, Akif Qurbanov və Ruslan İzzətlinin həbs qətimkan tədbiri daha üç ay uzadılıb. Bu barədə Ruslan İzzətlinin vəkili Rəsul Cəfərov məlumat verib.

Bu ilin martın 6-da  "Toplum TV”nin ofisində axtarış aparılıb.

Toplum Tv işi üzrə həmin şəxslərə qarşı Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.

Ötən gün "Toplum TV" işi üzrə həbs olunan Ələsgər Məmmədli, Əli Zeynalov, Ramil Babayev və İlkin Əmrahov barələrində olan həbs qətimkan tədbiri daha üç ay uzadılıb.

 

Bununla yanaşı Toplum TV işi ilə bağlı Demokratik Təşəbbüslər İnustunun əməkdaşı Müşfiq Cabbarov, Demokratik Təşəbbüslər İnstitutunun üzvü Əli Zeynalov, Demokratik Təşəbbüslər İnstitutunun rəhbəri Akif Qurbanov və Toplum Tv-nin iki əməkdaşı Ramil Babayev və İlkin Əmrahov barəsində 4 ay müddətində həbs qətimkan tədbiri seçilib.