Yaxında seçkilərdə iştirak edəcək beynəlxalq təşkilatların adı açıqlanacaq

26 ölkənin seçki qurumlarına növbədənkənar seçki prosesini izləmək üçün dəvət göndərilib və yaxın zamanlarda onların adları açıqlanacaq. Bunu Mərkəzi Seçki Komissiyasının sədr müavini Rövzət Qasımov deyib.


"Beynəlxalq müşahidəçilər hər zaman Azərbaycanda seçki prosesini yaxından izləyirlər. Seçki Məcəlləsinə görə beynəxalq təşkilatlara dəvəti 3 qurum göndərir- Xarici İşlər Nazirliyi, Milli Məclis və Mərkəzi Seçki Komissiyası. Azərbaycana dəvət olunan beynəxalq təşkilatlar barəsində yaxın vaxtlarda kifayət qədər məlumat veriləcək. Müşahidəçilərin iştirakı üçün Azərbaycan hər zaman lazım olan tədbirləri görür. İstər beynəxalq, istər yerli müşahidəçilərin fəaliyyətinə tam şərait yaradılacaq. 26 ölkənin seçki qurumlarına prosesi izləmək üçün dəvət göndərilib",- sədr müavini Milli Məclisə seçkilər zamanı deputatlığa namizədlərin qeydiyyatı prosesinə həsr olunan tədbirdə çıxışı zamanı deyib.

Azərbaycanda növbədənkənar parlament seçkiləri sentyabrın 1-nə təyin edilib. Prezident bir müddət öncə Parlamentin buraxılması və növbədənkənar seçkilərin təyin edilməsi ilə bağlı sərəncam imzalayıb. 
 
Gülnar Nazimqızı
www.anews.az