“Bravo” marketə basqın edənlərə hökm oxunub

"Bravo” hipermarketinə silahlı basqınla bağlı məhkəmə araşdırması başa çatıb.

 

Təqsirləndirilən şəxslər hər biri ayrı-ayrılıqda verilmiş ittihamlarla təqsirli  biliniblər.

Hökmə əsasən, Dəyanət Qüdrətov ömürlük, Azər Məmmədov və İbrahim İbrahimov 19 il, Səbuhi Qurbanov 18 il 6 ay, Rövşən İsmayılov 4 il 11 ay 28 gün Babək İsgəndərov isə 3 il 11 ay 28 gün müddətinə azadlıqdan məhrum edilib. Bu günə kimi azadlıqda olan Rövşən İsmayılov və Babək İsgəndərov məhkəmə zalında həbs ediliblər. 

Qeyd edək ki, hadisə bu ilin martında paytaxtın Xətai rayonunda yerləşən hipermarketdəki bankların birinə məxsus bankomata külli miqdarda pul yerləşdirilən zaman qeydə alınıb.

Hadisə zamanı bankın əməkdaşı Samir Şeydayev müxtəlif xəsarətlər alıb, onun mühafizəsini təşkil edən Rəqəmsal İnkişaf və Nəqliyyat Nazirliyinin əməkdaşı Rüfət Həşimov isə ölüb.