Elektriklə işləyən avtobuslar idxal gömrük rüsumundan azad olunub

Qərar dərc edildiyi gündən 30 (otuz) gün sonra qüvvəyə minir və 2025-ci il yanvarın 1-dək qüvvədə olacaq.

 

Çinin ən böyük avtomobil istehsalçısı olan "BYD” konqlomeratı sosial şəbəkələrdə 160 ədəd 12 metrlik K9UD elektrik avtobuslarının Azərbaycana tədarükü üçün tenderin qalibi olduğunu rəsmən elan edib.

İlk tədarüklər artıq bu ay həyata keçiriləcək.

Bundan əlavə, 2025-ci ildən 2028-ci ilə qədər Azərbaycanın "BYD”dən hər il 200 elektrobus alınması barədə razılıq əldə olunub ki, bunlar Azərbaycanda  yığılacaq.

 

 Gələcəkdə tərəflər Azərbaycanda elektrobusların istehsalının yaradılması məqsədilə əməkdaşlığı dərinləşdirmək niyyətindədirlər.

Noyabrda Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçiriləcək. Məqalədə vurğulanır ki, elektrik avtobuslarından istifadə Azərbaycanın yaşıllaşdırma və karbon qazı emissiyalarının azaldılması təşəbbüslərini həyata keçirməyə kömək edəcək.

Bu gün təxminən 80 min "BYD” elektrik avtobusu 70 ölkənin 400-dən çox şəhərində ictimai nəqliyyatın bir hissəsidir. Nəşr qeyd edir ki, şirkətin ən qabaqcıl texnologiyalarından istifadə etməklə yaradılmış "BYD K9UD” elektrik avtobusu etibarlılığı, yüksək səviyyədə təhlükəsizliyi və sərnişinlər üçün rahatlığı təmin edir.

N.Təbrizli