Taxıl sahələrinin 90%-də biçin yekunlaşıb

Azərbaycanda taxıl zəmilərinin 90%-də yığım başa çatıb və 2 795 112 ton taxıl yığılıb. Bu barədə Kənd Təsərrüfatı Nazirliyi məlumat verib.  
 
Mexanizatorlar tərəfindən 907 845 hektar sahədə biçin aparılıb. 

 

Ümumilikdə arpa biçininin 96,9%-i, buğda sahəlrinin isə 84,5%də işlər yekunlaşıb. 

 
Buğdanın idxaldan asılılığını azaltmaq məqsədilə işğaldan azad olunmuş ərazilərdə 2023-2024-cü il üçün 84,4 min hektar ərazidə payızlıq taxıl əkilib. 
 
Nazirlər Kabinetinin tapşırığna əsasən faktiki əkin işləri aparılmış təxminən 20 min hektar ərazinin mina və partlamamış hərbi sursatlardan təmizlənməsi nəzərdə tutulub. 
 
Azərbaycanda 2023-cü ildən etibarən 5 il müddətinə taxılın hər tonuna görə 100 manat məbləğində subsidiya müəyyən edilib. 
 
Ümumilikdə, Azərbaycana buğda idxalının 87 faizi Rusiyanın, 13 faizi isə Qazaxıstanın payına düşüb.

2023-cü ildə Azərbaycana buğda idxalı 1 milyon 175,341 min ton təşkil edib ki, bu da 2022-ci ilin göstəricisindən 9,1% azdır.

 
Hazırda Azərbaycanda buğdaya olan tələbatın 62% yerli istehsal hesabına ödənilir.  Qalan hissə Ukrayna, Rusiya və Qazaxıstandan idxal edilir. 
 


Gülnar Nazimqızı