Oğurlanan Rolex saatının qiyməti 90 min Avro deyil - səfir Hüseynzadə
07.08.2024 15:32
Azərbaycanın NATO-dakı səfiri Cəfər Hüseynzadə və xanımı avqustun 5-də Brüsseldə yaşadıqları binaya girərkən iki naməlum şəxsin hücumuna məruz qalaraq qarət ediliblər. Bu barədə səfirin özü mediaya məlumat verib.
"Bu şəxslər biz binanın girişindən içəri girərkən içəri soxuldu, bizi silah və bıçaqla hədələyərək üzərimizdəki əşyaları onlara verməyi tələb etdilər. Onlar xanımımın çantasını və qollarımızdakı "Rolex" model saatları götürərək, bizə yüngül xəsarət yetirdilər və qaçdılar”, - səfir deyib.
Hadisə bu bazar ertəsi, saat 15:30 radələrində, Brüsseldəki Stefani meydanının yaxınlığında baş verib.
İlk dəfə bu hadisə barədə Brüsselin Sudinfo La Capitale nəşri yazıb.
"Bazar ertəsi gündüz saat 15:30-a yaxın Azərbaycanın NATO-dakı səfiri və onun xanımı Brüsseldə Luiza prospektində amansız qarətin qurbanı olublar", - nəşr yazıb.
Həmçinin səfirin 90 min Avro dəyəri olan Rolex markasına məxsus saatının da oğurlandığı bildirilib.
Amma səfir Azərbaycan mediasına verdiyi müsahibədə saatının qiymətinin Belçika mediası tərəfindən şişirdildiyini və bundan təəssüfləndiyini bildirib.
"Bizə məxsus saatlar "Rolex" markalı olsa da, metallik və sadə modellər olub”, - səfir vurğulayıb.
Səfirlik Vyana Konvensiyasına uyğun olaraq diplomatların təhlükəsizliyinin təmin edilməsi tələbilə Belçika hakimiyyətinə müraciət edib.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
