Ələsgər Məmmədlinin yanına notarius buraxılmır

"Ələsgərin qapalı məkanda saxlanılması ona bir sıra ciddi problemlər yaradıb. Qalxanabənzər vəz şişi hələ də nəfəs almağı çətinləşdirir", - o deyib.

"Asan İmza" elektron imzası və Ələsgərin şəxsiyyət vəsiqəsi istintaq orqanı tərəfindən götürülüb. Bu, vergi hesabatını təqdim etməyə imkan vermir. Ələsgər yeni "Asan İmza" almaq üçün yaxınlarına etibarnamə verməlidir.

"Lakin cəzaçəkmə yerlərində saxlanılan şəxslərin hüquq və azadlıqları haqqında qanunu pozaraq onun yanına notarius buraxmırlar", -  Nəsimi Məmmədli deyib.

Etibarnamə həm də Ələsgər Məmmədlinin iki övladının ali təhsil xərclərini ödəmək üçün avtomobilini satmasından ötrü lazımdır və ailə maddi çətinlik çəkir.

Həftə ərzində vəkillər Ələsgər Məmmədlinin ev dustaqlığına buraxılması üçün yeni vəsatət qaldırmağı planlaşdırırlar.

Martın 6-8-də ‘Toplum’ TV və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlar xarici valyuta qaçaqmalçılığında ittiham olunublar. Yeddi nəfər həbs olunub, iki nəfər polis nəzarətinə verilib.

"Toplum” TV-nin təsisçisi Ələsgər Məmmədli də valyuta qaçaqmalçılığında ittiham olunub.