Bolqarıstan prezidenti məktəblərdə LGBT təbliğatını qadağan edib

Bolqarıstan Prezidenti Rumen Radev "Məktəbəqədər təhsil və məktəb təhsili haqqında” qanuna LGBT təbliğatını qadağan edən dəyişikliklərin edilməsi haqqında fərman imzalayıb. Bu barədə Bolqarıstan Milli Radiosu məlumat yayıb.

Yeni qanun təhsil prosesi çərçivəsində qeyri-ənənəvi cinsi oriyentasiya haqqında məlumatların yayılmasını qadağan edir. Həmçinin, məktəblər artıq LGBT problemləri ilə bağlı müzakirələrə ev sahibliyi etməyəcək.

Dəyişiklikləri vətənpərvər "Vazrajdane” ("Renessans”) partiyası təqdim edib. Qanun layihəsi avqustun 7-də qəbul edilib. Bunu parlamentin 240 deputatından 159-u dəstəkləyib, 22-si əleyhinə səs verib.

Dəyişikliklər parlament tərəfindən qəbul edildikdən sonra 7 mindən çox fəal və 76 ictimai təşkilat prezident aparatına petisiya təqdim edərək layihəyə veto qoyub. Onun müəllifləri hesab edirlər ki, yenilik ölkə konstitusiyasına ziddir.

"Ayrı-seçkiliyin yolverilməzliyini” bildirən Avropa Şurasının İnsan Hüquqları üzrə Komissarı Maykl O'Flaherti, eləcə də Avropa Komissiyasının mətbuat katibi Anita Gipper Bolqarıstan liderini qanunu rədd etməyə çağırıblar.

Gülnar 
www.anews.az