Məhəmməd Kekalova qarşı yeni 7 ağır maddə ilə ittiham irəli sürülüb

Bеlə ki, o,  Cinayət Məcəlləsinin xüsusilə külli miqdarda gəlir əldə etməklə qanunsuz sahibkarlıq, mütəşəkkil dəstə şəklində cinayət yolu ilə əldə edilən xeyli miqdarda pul vəsaitlərini leqallaşdırma, mütəşəkkil dəstə tərəfindən törədilən qaçaqmalçılıq, sənəd saxtalaşdırma və saxta sənədlərdən istifadə etmə, mütəşəkkil dəstə halında vergi ödəməkdən yayınmanı nəzərdə tutan 192.3.2, 193-1.3.1, 193-1.3.2, 206.4, 320.1 və 320.2, 213.2.1-ci maddələri ilə də ittiham olunur. 

Bundan əvvəl "Abzas Media işi” üzrə həbs edilən jurnalist Nərgiz Absalamovaya və iqtisadçı Fərid Mehralızadəyə də eyni maddələrlə yeni ittiham irəli sürülüb.

Hazırda  "Abzas Media” ilə əlaqəli altı jurnalist və media işçisi Ülvi Həsənli, Sevinc Vaqifqızı, Nərgiz Absalamova, Elnarə Qasımova, Məhəmməd Kekalov və dəvət olunmuş jurnalist Hafiz Babalı "qabaqcadan əlbir olaraq xarici valyuta qaçaqmalçılığı" ittihamı ilə həbs ediliblər.

Apreldə meclis.info saytının rəhbəri İmran Əliyev və Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli  bu iş üzrə  həbs olunsa da sonradan onların işləri ayrı icraata götürülüb.

İyunun 1-də iqtisadçı Fərid Mehralızadə "Abzas Media” işi üzrə həbs edilib.

Həbs olunanlar özlərini günahkar hesab etmədiklərini məhkəməyə bildirib. 

 

Bir sıra beynəlxalq təşkilatlar həbs olunanların azad edilməsinə çağırıblar.

 

Sonuncu belə bəyanatla iqlim dəyişikliyi fəalı Qreta Tunberq  çıxış edib. 

 

O, Azərbaycan hökumətini COP 29 iqlim sammiti öncəsi həbs olunan vətəndaş cəmiyyəti təmsilçiləri və jurnalistləri azad etməyə çağırıb.

 

Rəsmi Bakı isə bu həbslərin arxasında siyasi otivlərin durmadığını bildirib.