Ülvi Həsənli ölümlə hədələndiyini, penitensiar xidmət isə bunun yanlış olduğunu bildirir

 

"Ülvi dedi ki, narkotik ittihamı ilə həbs edilən təxminən 60 yaşlı Siyavuş adlı bir şəxs bu məsələdən sonra xüsusilə onunla dava salmağa çalışır, ona durduğu yerdə hücum edir. Hətta bir neçə dəfə cibindən kəsici alət çıxararaq Ülvini hədələyib", - Quliyeva söyləyib. 

Onun sözlərinə görə,  Ülvi Həsənli məsələdə təcridxana rəhbərliyini günahlandırıb.

 

"Həmin adam barəsində yekun məhkəmə hökmü çıxarılsa da, hələ də həbsxanaya köçürülmür, təcridxanada saxlanılır. Ülvi hesab edir ki, Səyavuş adlı bu şəxsi ona qarşı təxribat yaratması üçün orada saxlayırlar",  -  Quliyeva əlavə edib. 

O, həmçinin söyləyib ki,  məsələ ilə bağlı həm Ülvi Həsənli, həm vəkili Zibeydə Sadıqova təcridxana rəisinə, rəis müavininə  şikayətlərini ünvanlasalar da, heç bir tədbir görülməyib. 

 

"Ombudsman Aparatının, Penitensiar Xidmətin dərhal bu işi araşdırmasını, Ülvinin təhlükəsizliyini təmin etməsini tələb edirəm", - Həsənlinin həyat yoldaşı vurğulayıb.

 

"Bakı İstintaq Təcridxanasından verilən məlumata görə, hal-hazırda Ülvi Həsənli ilə eyni kamerada Səyavuş adlı şəxs saxlanılmır. Ülvi Həsənli və onun hüquqlarını müdafiə edən vəkilləri tərəfindən Penitensiar Xidmətə, eləcə də Bakı İstintaq Təcridxanasına ona qarşı qanunsuzluqlarla bağlı heç bir rəsmi müraciət və məlumat daxil olmayıb", - cavabda qeyd edilib.