Akif Çovdarova qarşı yeni iddia qaldırılıb
22.08.2024 12:09
Keçmiş polis əməkdaşı Neman Kərimov ləğv edilən Milli Təhlükəsizlik Nazirliyinin idarə rəisi Akif Çovdarovun hökmü ilə bağlı yenidən məhkəməyə müraciət edib. Bu barədə "Qafqazinfo” mənbələrinə istinadən yazıb.
2015-ci ildə Kərimov Çovdarov və digərlərinin cinayət işi üzrə zərərçəkmiş şəxs qismində tanınıb.
İttihamda yazılıb ki, Neman Kərimov və dayısı oğlu Elçin Mövsümov "Elit” hotelində iki qızla qalarkən MTN əməkdaşları basqın edərək onları nazirliyə aparıblar.
MTN-də ona Sevinc Rüstəmova adlı şəxsə 30 min manat borcu olduğunu deyiblər. İdarə rəisi Çovdarov onu buraxmaq üçün əvvəl 250 min manat pul istəyib, sonradan 80 minə razılaşıblar. Həmin pulun 20 min manatı Sevinc Rüstəmovaya verilib, 60 mini isə hədə-qorxu yolu ilə mənimsənilib. Kərimov özü isə pulu verdikdən sonra sərbəst buraxılıb.
Zərərçəkmiş əvvəllər ona dəyən maddi və mənəvi ziyana görə Akif Çovdarov və polkovnik Səlim Məmmədovdan təzminat tələb etsə də, məhkəmə onun iddiasını təmin etməyib.
9 il sonra, bu günlərdə Neman Kərimov ona geri ödənilməmiş 60 min manat ziyanın qaytarılması tələbi ilə apellyasiya şikayəti verib. Onun nədən bu qədər müddət sonra pulunun arxasınca düşməsinin səbəbi bilinmir.
Akif Çovdarov 2017-ci ildə 12 il azadlıqdan məhrum edilib. O, bir neçə il sonra əfv edilib. General rütbəsindən məhrum edilən Çovdarovun 30 milyonluq əmlakı da bu yaxınlarda müsadirə edilib.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
