Qarabağ və Türkiyə-Azərbaycan Universitetlərində dərslər sentyabrın 23-ü başlayacaq
10.09.2024 11:32
Qarabağ və Türkiyə-Azərbaycan Universitetləri bu ildən fəaliyyətə başladığından onlarda yeni tədris ili digərlərindən fərqli olaraq bir həftə gec başlayacaq. Bunu elm və təhsil naziri Emin Əmrullayev jurnalistlərə açıqlamasında deyib.
"Universitetdə ilk tədris ili olduğu üçün birinci həftə tanışlıq həftəsi olacaq. Tədris sentyabrın 23-dən etibarən başlayacaq. Bu oxşar təcrübə Türkiyə-Azərbaycan Universitetində də tətbiq olunacaq. Sentyabrın 15-dən isə tələbələrin yataqxanalara yerləşdirilməsinə başlanacaq", - nazir bildirib.
Qarabağ Universitetində təhsil alacaq tələbələrə veriləcək əlavə təqaüd isə tələbələrin qeydiyyat prosesi başa çatandan sonra müəyyən ediləcək.
"Artıq bu universitetlərə tələbələrin 99%-nin qeydiyyatı başa çatıb. Onların hər biri təqaüdlə təmin olunacaq. Tədris ili başladıqdan sonra tələbələrə 100-150 manat arasında əlavə təqaüdlərin verilməsi də planlaşdırılırb Eyni zamanda bəzi özəl şirkətlər də bu prosesə qoşularaq tələbələrə əlavə təqaüdlərin verilməsinə təşəbbüs göstəriblər".
Gülnar
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
