Qarabağın beş rayonunda sentyabrın 16-da məktəblər fəaliyyətə başlayacaq
10.09.2024 14:49
Sentyabrın 16-da Şuşa, Xocalı, Xankəndi, Cəbrayıl və Laçının Sus kəndində məktəblər fəaliyyətə başlayacaq. Bunu elm və təhsil naziri Emin Əmrullayev jurnalistlərə açıqlamasında deyib.
"Bu il kifayət qədər məhsuldar il olacaq. Şuşa 1 nömrəli məktəbin açılması ilə yanaşı Xocalıda şagirdlərimiz təhsilə başlayacaq. Xankəndində ənənəvi olaraq Azərbaycan dilli məktəb olmuş 4 nömrəli Nizami Gəncəvi adına məktəb açılacaq. Eyni zamanda Cəbrayılda bu tədris ilində məktəbin fəaliyyətə başlaması planlaşdırılır. Digər məktəblərimiz Suqovuşan qəsəbəsində,Kəlbəcərdə biraz gec olsa da açılması nəzərdə tutulur. Eyni zamanda Sus kəndində məktəb fəaliyyətə başlayacaq. Artıq 10-a yaxın məktəbin fəaliyyəti təmin olunacaq. 2025-2027-ci illərdə daha çox məktəbin açılması planlaşdırılır. Hazırda onların tikintisi aparılır", - nazir söyləyib.
Qarabağ işaldan azad olunandan sonra orada yenidənqurma işlərinə başlanılıb. Bir neçə ölkə Qarabağda məktəb tikintisi məsələsində Azərbaycana dəstək göstərib. Bununla yanaşı Böyük Qayıdış proqramı çərçivəsində əhalinin Qarabağa köçürülməsi nəzərdə tutulur ki, bu da məktəblərin sayının artırılması üçün zəmin yaradır.
Gülnar Nazimqızı
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
