AZAL Təl-Əvivə uçuşları dayandırıb- AÇIQLAMA/Yeniləndi
24.09.2024 10:51
Aviareyslərin dayandırıması İsraildə baş verən son hadisələr və təhlükəsizlik məsələləri ilə əlaqədardır. Bunu "Azərbaycan Hava Yolları" QSC (AZAL) məlumat yayıb.
"Təl-Əvivə aviabiletləri olan sərnişinlər vəsaitlərini tam geri ala və ya biletlərini başqa reysə cəriməsiz dəyişə bilərlər. Bakı-Təl-Əviv-Bakı marşrutu üzrə uçuşların bərpası ilə bağlı əlavə məlumat vəziyyətdən asılı olaraq açıqlanacaq. Aviaşirkət hər hansı dəyişiklik barədə dərhal sərnişinləri məlumatlandıracaq”, - məlumatda qeyd olunub.
"Sərnişinlər yeniliklər barədə xəbərdar olmaq üçün AZAL-ın Çağrı mərkəzinə müraciət edə bilərlər: [email protected].
Uçuşların və sərnişinlərin təhlükəsizliyi AZAL üçün bir nömrəli prioritetdir", - deyə aviaşirkət bəyan edib.
***
Azərbaycan Hava Yolları Tel-Əvivin Ben Qurion Beynəlxalq Hava Limanına uçuşları dayandırıb. Bu barədə İsrail mətubatı məlumat yayıb.
Bildirilib ki, AZAL-la yanaşı Wizz Air, British Airways də uçuşları dayandırmaq barəsində qərar verib.
Uçuşların dayandırılmasına səbəb İsraillə Livanın Hizbullah hərəkatı arasında münaqişənin kəsinləşməsidir.
Bir gün öncə İsrail Livanın cənubuna hücum etməyə başlayıb. Onların hədəfinin Hizbullah şiə təşkilatının hərbi obyektləri olduğu açıqlanıb.
Hazırda İsraillə Livan arasında müharibə davam edir.
Aytac
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
