Noyabrın 17-də Bakı-Ağstafa-Bakı marşrutu üzrə əlavə qatar reysləri təyin edilib

"Azərbaycan Dəmir Yolları” QSC (ADY) BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyası (COP29) günlərində artan sərnişin tələbatını təmin etmək məqsədilə noyabrın 17-də Bakı-Ağstafa-Bakı marşrutu üzrə əlavə qatar reysləri təyin edir. Bu barədə ADY-dən məlumat verilib.


Bildirilib ki, eyni zamanda, Bakı-Ağstafa-Bakı qatarları ilə sərnişinlər ənənəvi qrafiklə hər gün hər iki istiqamətə səfər edə bilərlər.


Səhmdar Cəmiyyət şəhərlərarası istiqamətlərdə səyahət edən sərnişinlərə tövsiyə edir ki, COP29 tədbiri ilə əlaqədar yollarda hərəkət intensivliyinin artması fonunda Bakı Dəmiryol Vağzalına səfər saatından ən azı 2 saat öncə gəlsinlər. Sərnişinləri yola salan və ya qarşılayan zaman vağzal ərazisinə maksimum dərəcədə daxil olmamağa çalışsınlar. Sərnişinlərə vağzal əməkdaşları tərəfindən hər cür dəstək göstəriləcək.

www.anews.az