Bu gündən Respublika Fənn Olimpiadalarına qeydiyyat başlayır

Respublika Fənn Olimpiadalarında iştirak üçün elektron qaydada qeydiyyat prosesi bu gündən başlayır. Bu barədə Təhsil İnstitutu məlumat yayıb.


Qeyd edilib ki, bu gün saat 15:00-da başlayan proses 9 dekabr tarixinədək davam edəcək.


Bildirilib ki, Respublika Fənn Olimpiadalarının rayon (şəhər) mərhələsi informatika fənni üzrə VIII-IX siniflər üçün 28 dekabrda, X-XI siniflər üçün 29 dekabrda, digər fənlər üzrə isə 22 dekabrda əvvəlcədən müəyyənləşdirilmiş mərkəzlərdə keçiriləcək.


VIII-XI sinif şagirdlərinin iştirak etdiyi Respublika Fənn Olimpiadaları riyaziyyat, fizika, kimya, biologiya, informatika, Azərbaycan dili və ədəbiyyatı, coğrafiya və tarix olmaqla 8 fənn üzrə təşkil olunur.

www.anews.az