Bakıda hava yağıntılı olacaq, sulu qar yağacaq

Sabah Bakıda hava yağıntılı olacaq, sulu qar yağacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən bildirilib ki, yanvarın 29-da Bakıda və Abşeron yarımadasında havanın arabir yağıntılı olacağı, gecəyə doğru yarımadanın bəzi yerlərində sulu qara keçəcəyi proqnozlaşdırılır. Güclü şimal küləyi əsəcək.

Bakıda və Abşeron yarımadasında yanvarın 29-da havanın temperaturu gecə və gündüz 2-4 dərəcə isti olacaq.

Azərbaycanın bölgələrində havanın arabir yağıntılı olacağı gözlənilir, dağlıq və dağətəyi ərazilərdə qar yağacaq, bu ərazilərdə yollar buz bağlayacaq. Şimal küləyi güclənəcək.

Aran rayonlarında yanvarın 29-da havanın temperaturu gecə 3 dərəcə şaxtadan 2 dərəcəyədək isti, gündüz 3-8 dərəcə isti, dağlarda gecə 0-5 şaxta, gündüz 3 dərəcə şaxtadan 2 dərəcəyədək isti proqnozlaşdırılır.

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamenti yaxın günlərdə gözlənilən hava şəraiti ilə əlaqədar xəbərdarlıq edib.

Departamentdən öncə Trend-ə verilən məlumata görə, yanvar ayının son günlərində ölkə ərazisində arabir yağıntılı hava şəraitinin davam edəcəyi, yanvarın 28-29-da bəzi dağlıq və dağətəyi rayonlarda, yanvarın 30-31-də isə əksər rayonlarda qar yağacağı gözlənilir.

Yanvarın 28-29-da Bakıda və Abşeron yarımadasında havanın temperaturunun 2-4 dərəcə isti, yanvarın 30-da 0 dərəcəyə yaxın, yanvarın 31-də isə minimal temperaturun 2-4 dərəcə şaxta olacağı, şimal küləyinin arabir güclənəcəyi, bəzi ərazilərdə yolların buz bağlayacağı gözlənilir.

Yanvarın son günlərində gözlənilən yağıntılı, küləkli hava şəraiti, temperaturun günü-gündən enməsi meteohəssas insanlar üçün əlverişsiz olacaq.

ANN.Az