Bir müddət məktəbsiz, yolsuz və qazsız yaşamaq olar - Aqil Abbas

 

"Bizim nazirlər nə Norveçin, nə Almaniyanın naziri deyil. Müharibədən çıxan bir ölkəyik. Bizim ölkəyə başqa yerdən pul gəlmir. Əlimizdə olan pulu necə xərcləmək lazım olduğunu düşünməliyik. Burada, büdcə müzakirələrində cari məsələlər müzakirə edildi. Bir müddət məktəbsiz, yolsuz, qazsız qala bilərik. Müvəqqəti olaraq Kəlbəcərin, Ağdamın xətrinə dözmək olar", - deputat  parlamentin bugünkü plenar iclasında büdcə zərfinin ikinci oxunuşda müzakirəsi zamanı deyib.

 

Deputat vurğulayıb ki, İlham Əliyev tərəfindən Qarabağda gözəl şəhərlər qurulur. 

 

Spiker Sahibə Qafarova da deputata cavab olaraq bildirib ki, "bəli Qarabağda böyük şəhərlər qurulur və orada hər kəsə yaşamaq üçün torpaq verilir".

 

Bundan əvvəl Aqil Ababs Milli Məclisdə çıxışı zamanı söyləyib ki, Qarabağ azad ediləndən sonra yenidən qurulan şəhər və kəndlərə qayıdan yerli əhaliyə torpaq verilməyib. Aqil Abbas qeyd edib ki, başqa yerlərdən gələnlər torpaqları alıb və istifadə edir, təkcə qarabağlılardan başqa.

 

Gülnar Nazimqızı