Bıçaqlanan məktəbli əməliyyat olunacaq - Yenilənib
04.12.2024 18:17
Bu gün məktəbdə kəsici alətlə xəsarət yetirilən şagirdin əməliyyat olunması planlaşdırılır. Bunu anews.az-ın sorğusuna cavab olaraq TƏBİB-dən bildirilib.
"4 dekabr 2024-cü il tarixində 15 yaşlı şəxs (kişi cinsli) hər iki əlin kəsilmiş yarası diaqnozu ilə Kliniki Tibbi Mərkəzə hospitalizasiya olunub. Yanaşı xəstəlikləri nəzərə alınaraq Travmatologiya şöbəsinə köçürülüb. Müvafiq müayinə və analizlərdən sonra əməliyyata alınması planlaşdırılır. Hazırda vəziyyəti orta ağır qiymətləndirilir", - məlumatda deyilir.
17:32
Bakıda məktəbdə şagird yoldaşını bıçaqlayan yeniyetmə saxlanılıb. Bu barədə DİN-in Mətbuat Xidmətindən məlumat verilib.
Bildirilib ki, paytaxtın Səbail rayonu ərazisində yerləşən orta məktəbin 10-cu sinif şagirdinin digərinə kəsici alətlə xəsarət yetirməsi barədə polisə məlumat daxil olub. Polis əməkdaşları tərəfindən əməli törətməkdə şübhəli bilinən yeniyetmə saxlanılıb.
Hazırda Səbail Rayon Polis İdarəsində araşdırma aparılır.
15:42
Bu gün Bakı şəhəri 329 nömrəli tam orta məktəbdə tənəffüs vaxtı (saat 12:10 radələrində) X sinif şagirdi digər şagirdə (müvafiq səbəbdən şagirdlərin adı qeyd olunmur) qəfildən kəsici alətlə xəsarət yetirib. Bu barədə Bakı Təhsil İdarəsindən bildirilib.
Xəsarət alan şagirdə müvafiq tibbi yardım göstərilib, dərhal təcili-tibbi yardıma və şagirdlərin valideynlərinə məlumat verilib.
Məsələ aidiyyəti qurumlar tərəfindən nəzarətə götürülüb, müvafiq araşdırmalara başlanılıb. Həmçinin hüquq-mühafizə orqanları tərəfindən müvafiq araşdırma aparılır.
Bu gün adıçəkilən məktəbdə 10-cu sinif şagirdinin bıçaqlanması ilə bağlı mətbuatda məlumat paylaşılıb. Bildirilib ki, şagird başından, döş qəfəsindən və əlindən xəsarətlər alıb. Onun vəziyyəti ilə bağlı açıqlama verilməyib.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
