Birbank-ın yol pulunu ödəmək funksiyası təkmilləşdiriləcək
19.12.2024 18:19
Azərbaycanda 550 min nəfər nəqliyyatdan "Birbank” vasitəsilə istifadə edir. Bu barədə KapitalBankın İdarə heyəinin sədri Fərid Hüseynov məlumat verib.
"2024-cü ilin mayından 550 minə yaxın müştərimiz tərəfindən 4,5 milyon bilet yaradılıb. Rəqəmlər göstərir ki, müştərilərimiz bizdən məhz bu cür həllər gözləyir və yenilikləri də qısa zamanda mənimsəyirlər” - Fərid Hüseynov bildirib.
O həmçinin söyləyib ki, hazırda bank bu funksiyanın daha mükəmməl olması üzərində çalışır.
"Hazırda istifadə olunmayan bilet haqları müştərinin hesabına 3-30 gün ərzində qayıdır. Bu proses növbəlilik əsasında həyata keçirilir. Razıyam ki, bu istədiyimiz müştəri təcrübəsi deyil və daha yaxşı versiya üzərində işləyirik", Hüseynov vurğulayıb.
O həmçinin QR kod vasitəsilə alınan nəqliyyat biletlərinin 1 dəqiqə deyil daha çox müddət ərzində aktiv olması üzərində də mütəxəssislərin işlədiyini əlavə edib.
Birbank vasitəsilə yol pulunu ödəmək funksiyası bu ilin mayından aktivləşdirilib.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
