Xaçmazda gərginlik - Vəhabilər azyaşlını girov götürdü

Yanvar 23-də Xaçmazın Susayqışlaq kəndində silahlı vəhhabi dəstəsi Susay qışlaq kənd tam orta məktəbin V sinif şagirdi Valeh adlı uşağı girov götürüb. 

AzNews.az-a daxil olan məlumata görə, dərsdən evlərinə qayıdan uşaq yolda 15 nəfərlik dəstəni görür. Dəstə uşağı zorla saxlayaraq ləzgi dilində ona “Bizi gördüyünü heç kimə demə, yoxsa səni də, ailəni də öldürərik” deyə hədələyərək uşağı buraxıblar. 

Tələsik evə gələn uşaq bütün gördüklərini valideynlərinə danışıb, atası dərhal zəng edərək polisi bu barədə məlumatlandırıb. Dərhal başlanan cinayət-axtarış işlərindən xəbər tutan dəstə həmin ailənin evinə gələrək, uşağın ata və anasını döyüb, valideynlərə ciddi xəsarət yetiriblər. Valehin özünü isə girov götürüblər. 

Sakinlərdən aldığımız məlumata görə, hazırda əməliyyat-axtarış tədbirləri davam etdirilir, yollarda polis patrullar xidmət aparır. 

Rayon Polis Şöbəsindən isə AzNews.az-a bildirilib ki, onlarda belə məlumat yoxdur. 

ANN.Az