Azərbaycanlı həkimlər yenidən Qazaxıstana gedir - Rəsmi
27.12.2024 16:00
Azərbaycanlı həkimlər Qazaıxstanın Aktau şəhərində müalicə alan üç azərbaycanlı vətəndaşa tibbi dəstək göstərmək üçün yola düşəcək. Bu barədə Səhiyyə Nazirliyindən bildirilib.
"Hazırda Qazaxıstanın Aktau şəhərində 3 azərbaycanlı müalicə alır. Yaralıların tezliklə sağalması üçün aparılan müalicə tədbirlərində tibbi dəstəklə yanaşı, mənəvi dəstək də çox önəmlidir. Bu məqsədlə, həm Azərbaycanlı tibb mütəxəssisləri, həm də yaralıların yaxın qohumları Qazaxıstana yola salınır. Qazaxıstana ezam olunan tibbi personal aparılan müalicə tədbirlərinin ölkələrin tibb mütəxəssisləri arasında koordinasiyalı təşkilini təmin edəcək, yaralıların yaxınları onların tezliklə əvvəlki sağlamlıqlarına qovuşmasında mənəvi dayaq olacaqlar. Yaralıların vəziyyəti qənaətbəxş və təxliyə üçün uyğun olduqda, onların dərhal Bakıya gətirilməsi təmin ediləcək", - məlumatda deyilir.
Bir gün öncə Qazaxıstnın Aktau şəhərində müalicə alan digər vətəndaşlar Azərbaycana gətirilib. Hazırda olanların müalicəsi Yeni Klinikada davam etdirilir.
Gülnar Nazimqızı
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
