İmdad Komitəsi Azərbaycanda fəaliyyətini dayandırır

İranın İmam Xomeyni adına İmdad Komitəsinin Azərbaycan Respublikasındakı humanitar fəaliyyətini dayandırdığı dəqiqləşib.APA-nın İranın “Səhər” telekanalına istinadən verdiyi məlumata görə, Komitənin Azərbaycanda fəaliyyətini dayandırdığı tezliklə Bakıda keçiriləcək tədbirlərin birində rəsmən açıqlanacaq. Qeyd edək ki, İranın İmam Xomeyni adına İmdad Komitəsinin Azərbaycan nümayəndəliyi 1993-cü ildə təsis olunub və Azərbaycanın Ədliyyə Nazirliyi 2011-ci ildə bu qurumun qeydiyyatını ləğv edib. Rəsmi Bakı buna səbəb kimi Azərbaycanın iqtisadi cəhətdən inkişaf etdiyindən ölkədə xarici xeyriyyə təşkilatlarının fəaliyyət göstərməsinə ehtiyac duyulmadığını göstəriblər. ANN.Az