Əfv Komissiyasının iclasları başlayır - Yenilənib

 

 

 

Belə ki, hüquq müdafiəçisi Novella Cəfəroğlu anews.az-a açıqlamasında bildirib ki, iclasların başlanması ilə bağlı informasiya əldə ediblər. 

"Eşitmişik ki, əfv komissiyası bu yaxınlarda yığışacaq. Daha dəqiq məlumatlı deyilik", - o bildirib. 

 

Əfv Komissiaysının üzvü "Konstitusiya” Araşdırmalar Fondunun prezidenti Əliməmməd Nuriyev bu faktı təsdiq etməyib. 

 

"İclasların başlanması ilə bağlı bizdə məlumat yoxdur. Əgər belə bir qərar verilərsə məlumatlı olardıq", - Nuriyev əlavə edib. 

 

Əfv Komissiyasının digər üzvü deputat Zahid Oruc da bu xəbəri təkzib edib. 

 

"Bu məlumatlardan hardan yayılır bilmirəm. Amma bu xəbər doğru deyil", - o əlavə edib. 

 

Sonuncu Əfv sərəncamı 2023-cü il mayında Heydər Əliyevin 100 illik yubileyi münasibəti ilə qəbul olunub. Bu Sərəncam şamil edildiyi şəxslərin dairəsinə görə müstəqil Azərbaycanın tarixində qəbul edilmiş ən böyük əfv aktıdır.

 

 

Gülnar Nazimqızı