Son 1 ildə vətəndaşların kartından nə qədər pul oğurlanıb? - Rəsmi
O əlavə edib ki, vətəndaşlarda günah olduğu qədər sistemlərdə də boşluqlar olur.
"Müxtəlif banklar var ki, kart üzrə limit təyin etmək funksiyası olur. Bu zaman xaricdən pul daxil olarkən banklar mənbə məlum olmadığı üçün həmin pulu dayandırır. Araşdırsaq pul itkisi olan bank kartlarının 90%-i kredit kartı xəttindən olub. Bu haqqda banklar cavab verməlidirlər ki, kredit kartındakı məbləği faizi ilə vətəndaşlar məcbur şəkildə geri ödəyir. Bu banklara sərf etdiyi üçün o istiqamətdə heç bir tədbir görmürlər. Niyə? Bir müddət əvvəl müxtəlif mobil operatorlar küçələrdə pulsuz mobil nömrə satırdılar bu zaman yaranan təhlükəsizlik risklərini niyə nəzərə alınmr? Bir çox banklarda sistem xətaları varvə bu da sistem boşluğuna gətirib çıxarda bilir. Niyə bu istiqamətdə banklar iş görmürlər? Bu kimi hallar banklar tərəfindən nəzarətə alınmalıdır",- mütəxəssis əlavə edib.
Milli Məclisin üzvü Vüqar Bayramov bildirir ki, bank kartlarında vəsaitlərin çəkilməsinin əsas səbəbi demək olar ki, əksər hallarda vətəndaşların həmin məlumatları üçüncü şəxslə bölüşdürülməsi ilə bağlıdır.
"Təssüf ki biz bank adından xakkerlər tərəfindən saxta zənglərin, müraciətlərin artmasını müşahidə edirik. Özünü bank işçisi kimi təqdim edirlər. Vətəndaşlardan bankla bağlı məlumatları əldə edirlər və bunu da təbii ki banklardan vəsaitlərin oğurlanmasına gətirib çıxarır. Maarifləndirmə əsas şərtdir. Bütövlükdə bank sirlərinin qorunması ilə bağı məlumatlar yüksək olmalıdır. Əslində kart sahibləri həmin məlumatları bölüşməsələr kartdan vəsaitlərin çıxarılması mümkün deyil. Çünki kartdan vəsaitin transfer edilməsi üçün gücləndirilmiş 3D parollar şifrəyə ehtiyac olur və həmin şifrə yazıldıqdan sonra karta giriş mümkün olur. Vəsaitin ödənilməsi həyata keçirilir. Bu da onu göstərir ki, bu istiqamətdə maarifləndirmə gücləndirilməlidir. Qanunvericilik bir mənalı şəkildə bank müştərilərinin hüquqlarını qoruyur. Qanunvericilikdə bu istiqamətdə hər hansl bir boşluq yoxdur. Yeni texnologiyanın inkişafında suni intellekdəndə istifadə olunur. Daha da təkminləşməsi gözləniləndir",- deputat vurğulayıb.
Ötən il ayrı-ayrı vətəndaşların saxta link-keçidlərlə 1 027 fakt üzrə 2 milyon 43 min 896 manat, alış-veriş səhifələrində elana görə zəng edib şəxsi məlumatları əldə etməklə 411 fakt üzrə 1 milyon 196 min 786 manat, özünü bank əməkdaşı kimi təqdim edib şəxsi məlumatları əldə etməklə 290 fakt üzrə 598 min 48 manat, mobil telefona kibermüdaxilə yolu ilə 185 fakt üzrə 311 min 728 manat, bankamatdan pul çıxarılmasına kömək adı ilə 178 fakt üzrə 92 min 630 manat, oğurlanmış və itirilmiş kartdan 307 fakt üzrə 101 min 398 manat pul vəsaiti onlayn talanıb.
Foto
Video
