Şəmkirdə yeni məktəb istifadəyə verilib

Şəmkirin Əhməd Cəmil adına 1176 şagird üçün nəzərdə tutulan  Zəyəm qəsəbə tam orta məktəbi istifadəyə verilib. Bu barədə  Məktəbəqədər və Ümumit Təhsil Dövlət Agentliyi məlumat yayıb. 

"Məktəbdə sinif otaqları, fizika, kimya, biologiya, texnologiya, informatika, çağırışaqədərki hazırlıq otaqları, kitabxana, yeməkxana, akt və idman zalları, inzibati heyət üçün iş otaqları istifadəyə verilib", - məlumatda deyilir. 

Bundanəvvəl baş nazir Əli Əsədov Milli Məclisdə çıxışı zamanı bildirib ki, 2025-ci ölkə ərazisində 123 məktəbin təmir olunması proqnozlaşdırılır.

Ölkə üzrə hazırda 473 məktəbin əsaslı təmirə ehtiyacı var ki, bu da mərhələli şəkildə icra olunacaq. 

Ümumilikdə təmirə ehtiyacı olan məktəblərin təmir prosesi 2028-ci ilə qədər tam yekunlaşdırılması planlaşdırılır. 

Gülnar Nazimqızı