On iki gündə təcili yardıma 12 minə yaxın əsassız və nəticəsiz müraciət daxil olub

Fevralda ötən 12 günü ərzində təcili yardıma edilən müraciətlərin 4 879-u əsassız olub. Bu barədə Təcili və Təxirəsalınmaz Tibbi Yardım Mərkəzinin yaydığı məlumatda qeyd olunub. 

Ay ərzində ümumilikdə "103"  Çağrı Mərkəzinə 71 501 müraciət daxil olub. 

Eyni zamanda 7 099 şəxsin müraciəti nəticəsiz qalıb. ( yerində tapılmadı, tibbi yardımdan imtina və həkimə qədər ölüm və s.qeydə alınıb )

Bundan əvvəl TƏBİB-in sədri Vüqar Qurbanov jurnalistlərə açıqlamasında bildirib ki, 2025-ci il Təcili və təxirəsalınmaz tibbi yardımın tam rəqəmsallaşdırılması planlaşdırılır. 

TƏBİB tərəfindən 2024-cü il ərzində 80 təcili tibbi yardım maşını alınıb.

İcbari tibbi sığorta xidmətlərindən bu yana 349 yeni ambulans alınıb. 

Gülnar Nazimqızı