Qaxda qayadan yıxılan ovçunun axtarışlarına başlanılıb

 Qaxda dərəyə düşən ovçunun axtarışlarına başlanılıb. ANS PRESS-in Fövqəladə Hallar Nazirliyinin mətbuat xidmətinə istinadən verdiyi xəbərə görə, FHN-in Böhran Vəziyyətlərində İdarəetmə Mərkəzinə Qax rayonu, İlisu kəndində dağlıq ərazidə 1 nəfər ovçunun qayadan yıxılaraq dərəyə düşməsi və meyitinin orada qalması barədə məlumat daxil olub. 

Ərazi relyef baxımından keçilməz olduğundan Fövqəladə Hallar Nazirliyinin müvafiq xilasetmə qüvvələri, o cümlədən Aviasiya dəstəsinin 1 ədəd helikopteri həmin şəxsin axtarışlarına başlayıb.

ANS PRESS