Azərbaycanda aqrar sektoru bilən 800 ekspertə ehtiyac var - Fond rəhbəri

Hazırda Azərbaycanda aqrar sektoru bilən 700-800 müstəqil ekspertlərə ehtiyac var. Bunu Aqrar Sığorta Fondunun sədri Fuad Sadıqov jurnalistlərə açıqlamasında deyib.

"Bir eksperti hazırlamaq müəyyən qədər vaxt alır. Təlimlər keçirik, daha sonra onlar Dövlət İmtahan Mərkəzinin imtahanındam keçirlər. Atestasiya aldıqdan sonra Mərkəzi Bankın reysterindən keçirlər. Bu müəyyən qədər zaman alır. Buna görə də hazırda Türkiyə modeli tətbiq olunduğu üçün ekspertləri oradan cəlb edirik. Onlara günlük 500 manat+əlavə otel pulu, yol xərcləri veririk. Qeyri iş günlərində isə bu rəqəm ikiqat çox olur. Fond olaraq biz özünə güvənən yerli ekspertləri əməkdaşlığa dəvət edirik",- fond rəhbəri bildirib. 

Fond rəhbəri bildirib ki, hazırda Aqrar Sığorta Fondunda 100-ə yaxın müstəqil ekspert fəaliyyət göstərir.

Gülnar Nazimqızı