Evləri sökülən vətəndaşlar ödənilən kompensasiyadan narazıdırlar - Deputat/Video

Şəhərdə sökünütü aparılan ərazilərdə vətəndaşlara verilən kompensasiya onları qane etmir, bu da onlar arasında narazılıqlar yaradır. Bunu Milli Məclisin deputatı Razi Nurullayev fevralın 28-də Milli Məclisdə çıxışı zamanı deyib. 

"Söküntülər aparılır. Vətəndaşlara ödənilən kompensasiya kifayət etmir ki, o şəhərdə ev alsın. Nəticədə həmin vətəndaşlar kənar yerlərdə qanunsuz evlər tikirlər. Bu da qaz,su, işıq problemlər yaradır. Təklif edirəm ki, söküntü olan ərazilərdə vətəndaşlara ya ev alınsın, ya da tikilən yeni binada ev verilsin. Bunu necəsə qanunvericiliyə salmaq lazımdır ki, özbaşınalıqların qarşısı alınsın", - deputat deyib. 

Nurullayev təklif edir ki, kompensasiyaların verilməsi qaydası qanunvericilikdə fəsil və ya bənd kimi əlavə edilə bilər. 

Gülnar Nazimqızı