Şagirdlərə kömək etmək istəyən nəzarətçilər imtahandan qovulub - Video

Bu gün 11 illik orta təhsil səviyyəsi üzrə ilk buraxılış imtahanı keçirilib.

İmtahan saat 11:00-da başlayıb və şagirdlər 3 saat ərzində onlara təqdim olunan sualları cavablandırıblar.

Şagirdlərin bir qismi Azərbaycan dili, bir qismi isə riyaziyyat fənnindən sualların nisbətən çətin olduğunu bildiriblər.

Dövlət İmtahan Mərkəzinin Mətbuatla iş və elektron kommunikasiya sektorunun müdiri Xanlar Xanlarzadə bildirib ki, ilkin məlumatlara əsasən, 6 nəfərdə mobil telefon, 1 nəfərdə ağıllı saat aşkarlandığı üçün onlar imtahandan xaric ediliblər. 2 nəzarətçi isə iştirakçılara kömək etməyə cəhd etdiyi üçün imtahandan kənarlaşdırılıb.

Qeyd olunan hallarla bağlı araşdırma aparılır. Sabahdan etibarən Dövlət İmtahan Mərkəzində imtahan protokolları və cavab vərəqlərinin emalına başlanılacaq.

Ətraflı: “Xezerxeber.az”ın videomaterialında: