Çaylarda su ehtiyyatı 15 % azalıb- Səbəb

Azərbaycanda ilin çox hissəsi quraq keçdiyindən  yerli su ehtiyatları məhduddur. Bunu Azərbaycan Su Ehtiyatları üzrə Dövlət Agentliyi yanında Su Ehtiyatlarının İstifadəsi və Mühafizəsinə Dövlət Nəzarəti Xidmətinin kadastr şöbəsinin müdiri Rafiq Verdiyev deyib. 

O bildirirb ki, Cənubi Qafqazın digər ölkələri ilə müqayisədə  bütövlükdə regiondakı su ehtiyatının yalnız 15%-ni təşkil edir.

"Yağıntıların azalması transsərhəd və yerli çaylarda su ehtiyatlarımızın son onilliklər ərzində 15%-dən çox  azalmasına  səbəb olub və beynəlxalq iqlim modellərinə əsasən onların gələcəkdə daha çox azalması ehtimal olunur.  Quraqlıq nəticəsində su anbarlarının tam doldurula bilməməsi səbəbindən suvarma məqsədilə istifadə olunan suyun miqdarının azalması suvarılan sahələrdə ciddi su çatışmazlığı problemi yaranmış, məhsul istehsalı azalmış, içməli su təchizatında, sudan energetika və digər sahələrdə istifadədə ciddi çətinliklər meydana çıxıb.

Son 33 ildə (1991-2023-cü illər ərzində) yerli çaylarda sululuq 1961-1990-cı illərlə müqayisədə 5,0%-dən 21,2%-dək azalıb.

Aytac