Deputat altsheymer xəstələrinə sosial xidmətlərin göstərilməsini təklif edir

Azərbaycanda altsheymer xəstələrinə sosial xidmətlərin göstərilməsi vacibdir. Bunu Milli Məclisin deputatı Hicran Hüseynova deyib. 

"Azərbaycanda  altsheymer xəstələrinin rəsmi statistikası olmas da bu kateqoriyadan olan xəstələr var. Həmin şəxslərə sosial xidmətlərin göstərilməsi vacibdir.  Ümid edirəm növbəti mərhələlərdə bu qəbildən olan xəstələrə sosial xidmətlərin göstərilməsi nəzərdə tutulacaq", - deputat bildirib. 

Altsheymer yaşlı insanlarda yaddaş və digər əqli funksiyaların pozulması ilə xarakterizə olunan neyrodegenerativ bir xəstəlikdir. 2006-cı il statistikalarına əsasən, dünyada bu xəstəlikdən əziyyət çəkənlərin sayı 26,6 milyon nəfər olub. 2050-ci ilə qədər bu rəqəmin dörd dəfə artacağı proqnozlaşdırılır.

Gülnar Nazimqızı