Saxta içkilər hazırlayan azərbaycanlı həbs edilib

Rusiyanın Perm vilayətində xüsusilə böyük miqyasda etiketsiz spirt tərkibli məhsulların qeyri-qanuni istehsalı və satışı müəyyən edilib.

Lent.az xəbər verir ki, saxta içkilərin hazırlanmasının və satışının qarşısı Federal Təhlükəsizlik Xidmətinin regional bölməsinin əməkdaşları tərəfindən alınıb.

“Rusiya FTX-nin Perm ərazisi üzrə idarəsi azərbaycanlının qanunsuz fəaliyyətini üzə çıxarıb. Həmin şəxs külli miqdarda etiketsiz spirtli içkilərin istehsalını və satışını təşkil edib. O, saxlanılıb və 7 min litrdən çox saxta spirtli içki götürülüb”, - deyə Prikamsk departamentinin mətbuat xidməti izah edib.

Şöbə əməkdaşlarının topladığı materiallar əsasında cinayətkar barəsində cinayət işi başlanıb. Məhkəmə onu təqsirli bilib və 2 il müddətinə ciddi rejimli həbsxanaya və 300 min rubl cəriməyə məhkum edib.