Sabah hava necə olacaq?

Aprelin 11-də Bakıda və Abşeron yarımadasında hava şəraitinin dəyişkən buludlu, gündüz əsasən yağmursuz olacağı gözlənilir, gecə və səhər bəzi yerlərdə qısamüddətli yağış ehtimalı var. Bu barədə  Milli Hidrometeorologiya Xidməti məlumat verib.

Məlumata görə, güclü şimal-qərb küləyi gün ərzində mülayim şimal-şərq küləyi ilə əvəz olunacaq. Havanın temperaturu gecə 6–8° isti, gündüz 10–13° isti olacaq. Atmosfer təzyiqi 756 mm-dən 761 mm civə sütununa yüksələcək. Nisbi rütubət 70–80% təşkil edəcək.

Bölgələrdə hava əsasən yağıntılı olacaq. Bəzi yerlərdə şimşək çaxacağı, leysan yağış, dolu və dağlıq ərazilərdə qar yağacağı ehtimal olunur. Axşam saatlarında yağıntılar səngiyəcək. Gecə və səhər bəzi ərazilərdə duman müşahidə olunacaq. Mülayim qərb küləyi arabir güclənəcək.

Havanın temperaturu bölgələrdə gecə 7–10°, gündüz 11–15°, dağlıq rayonlarda isə gecə 0–4°, gündüz 4–7° isti olacaq.