«Nə? Harada? Nə zaman?» oyunu üzrə qaliblər məlum oldu - FOTOLAR

Ötən istirahət günlərində - yanvarın 11-12-də, beşulduzlu Qaradağ Hill Hotel mehmanxanasında ölkəmizin intellektual hərəkatı üçün unikal turnir – «Nə? Harada? Nə zaman?» oyunu üzrə I Bakı marafonu keçirilib.Azərbaycan İntellektual Klublar Assosiasiyasının Mətbuat Xidmətindən ANN.Az-a verilən məlumata görə, turnir Azərbaycan Respublikasının Prezidenti yanında Gənclər Fondunun dəstəyi ilə keçirilib.Turnirin təşkilatçısı qismində Azərbaycan İntellektual Klublar Assosiasiyasının tərkibindəki «İçərişəhər» İntellektual Oyunlar Klubu çıxış edib.Marafon iştirakçıları təxminən 16 saat ərzində «Nə? Harada? Nə zaman?» oyunu oynayaraq ümumilikdə 333 suala cavab veriblər.Balaş Qasımovun komandası turnirin qalibi olub. İkinci yeri “Slon v udave” komandası (kapitan Nigar İbrahimova) tutub, bürünc medalları isə “Everest” komandası (kapitan Günel Babayeva) qazanıb.ANN.Az