Bu problem ən azı 2 il davam edəcək - İcra başçısından açıqlama

Bakıda yağış sularının axıdılması sisteminin yenilənməsi ən azı iki il davam edəcək. Bunu Bakı İcra Hakmiyyətinin başçısı Eldar Əzizov yerli mətbuat üçün hazırlanan açıqlamasında deyib. 

«Mövcud mühəndis-kommunikasiya sistemi bir vaxtlar ərazidə yerləşən kiçik yaşayış evləri üçün nəzərdə tutulmuşdu. Halbuki indi həmin ərazilərdə çoxmərtəbəli yaşayış kompleksləri ucaldılıb. Hazırkı infrastruktur bu qədər su həcmi ilə fiziki cəhətdən öhdəsindən gələ bilmir və biz bu cür hallarla qarşılaşmağa ən azı daha iki il ərzində hazır olmalıyıq», -Eldar Əzizov qeyd edib.

İcra başçısı təklif edib ki, leysan xarakterli yağışlar yağanda tunellərə giriş məhdudlaşdırılsın. 

Aprelin 15 və 16-da Bakıya güclü yağış yağıb. Nəticədə şəhərin içində olan tunelleri su basıb. Bir çox yerlərdə suyun səviyyəsi çox olduğundan maşınlar suyun altında qalıb. Oxşar hadisə ötən ilin oktyabrında da qeydə alınmışdı. Oktyabrda baş verən leysanda iki nəfər tuneldə boğularaq ölmüşdü. 

Gülnar