Apreldəki yağışlara görə sığortalı fermerlərə 13 milyon ziyan dəyib

Apreldə baş verən əlverişsiz hava şəratinə görə, sığortalı fermerlərə 13 milyon dəyərində ziyan dəyib. Bunu Aqrar Sığorta Fondunun İdarə Heyətinin  sədri Fuad Sadıqov deyib.

"Dünyada baş verən təbii fəlakətlər ərzaq təhlükəsizliyi üçün təhdidlər yaradır. İqlim dəyişikliləri son qırx ildə 400 dəfə artıb. Bu dünya miqyasında bir problemdir. Həm bizim həm qonşu ölkələrdə öz təsirini göstərir. Apreldə kəskin hava dəyişməsi dəyişməsində istehsalçıların kiçik təsərrüfatlarını itkilərlə üz-üzə qoyub.  Təkcə Türkiyədə bu ziyan 1 milyard manatı ötüb. Son bir həftədə 13 milyon dəyərində sığorta müqaviləsi olan ziyanımız olub", - Sadıqov Milli Məclisinin Aqrar siyasət komitəsində "Aqrar sektorda sahibkarlığa dəstək: nəticələr və perspektivlər" mövzusunda ictimai dinləmə çıxışı zamanı deyib.

Fond sədri vurğulayıb ki, kənd təsərrüfatlı torpaqların 30% sığortalanıb. 

Gülnar Nazimqızı