Fərdi evlərin sonradan tikilməsi qazanxanaların bərpasına maneə yaradır - İlham Mirzəyev

Bir çox qazanxanalar fərdi evlərin  sonradan tikilməsi səbəbindən bərpa oluna bilmir. Bunu "Azəristiliktəchizat" ASC sədr əvəzi İlham Mirzəyev deyib. 

"Ötən ildən istismar müddəti başa çatan qazanxanaların bərpasına başlamışıq. 10-a yaxın obyekti tikmək niyyətindəyik. Bir çox çətinliklərlə qarşılaşırıq. Fərdi evlərin tikilməsi layihənin ekspertiziyadan keçməsinə mane olur. Bu cür olan halda istismar müddəti başa çatan qazanxanaların bərpası risk altında olur", - Mirzəyev bildirib. 

Sədr əvəzi təklif edir ki, özəl sektorun bu prosesə cəlb olunması yaxşı nəticələr verə bilər. 

Milli Məclisin Təbii Ehtiyatlar,energetika və ekologiya komitəsi ilk dəfə "İstilik təchizatı haqqında" qanunu müzakirə edir. Qanun qəbul olunacağı təqdirdə tətbiqinə 2028-ci ildə başlanılacaq. 

Gülnar Nazimqızı