Azərbaycanın İrandakı səfirliyinə hücum edən şəxsin edamına hazırlıqlar tamamlanıb

Azərbaycanın Tehrandakı səfirliyinə hücum edən şəxsə qarşı çıxarılmış edam hökmünün icrası üçün bütün zəruri hazırlıqlar tamamlanıb.Bu barədə İranın Ədliyyə Sisteminin nümayəndəsi Əsgər Cahangir deyib.

"Adıçəkilən şəxsə qarşı qisas hökmünün icrası ilə bağlı bütün hazırlıqlar və proses tamamlanıb və məhkəmə sistemi bu hökmü icra etməyə hazırdır", - deyə o bildirib.

Əsgər Cahangir qeyd edib ki, ölkədə qəbul edilmiş və qüvvədə olan qanuna əsasən, hökmün icrası üçün mərhumun valideynləri və ya vəkili qisas almaq üçün məhkəmə sistemində vəsatət qaldırmalı və ya icra günü orada olmalıdır.