Əvəz Zeynallı müalicə üçün Türkiyəyə gedir

Həbsdən azadlığa buraxılan jurnalist Əvəz Zeynallı müalicə üçün Türkiyəyə gedir.

Bu barədə jurnalistin həyat yoldaşı Məlahət Zeynallı facebook hesabında  yazıb.

Aprelin 25-də "Xural" internet telekanalının rəhbəri Əvəz Zeynallı səhhətindəki ciddi problemlərlə bağlı məhkəmə qərarı ilə cəzadan azad edilib.

O, bir müddət əvvəl xərçəng xəstəliyinə tutulub. Bakı Ağır Cinayətlər Məhkəməsinin 2023-cü ilin fevralında çıxardığı hökmə əsasən, o, 9 il müddətinə azadlıqdan məhrum edilmişdi.

Zeynallı bir sıra maddələrlə, o cümlədən dələduzluq, rüşvət alma, nüfuz alveri və digər cinayətlərdə təqsirli bilinib.

Aytac  Zeynalova