Son 30 ildə dünya təsərrüfatına 3,8 trilyon dollar ziyan dəyib

FAO-nın hesablamarına görə son 30 ildə iqlim dəyişilliyi səbəbindən kənd təsərrüfatına 3,8 trilyon dollar ziyan dəyib. Bunu Prezidentin iqlim məsələləri üzrə nümayəndəsi Muxtar Babayev mayın 2-də IV Aqrobiznesin İnkişafı Forumunda çıxışı zamanı deyib.


"Dünyada su və torpaqlarla bağlı çətinliklər qalır. BMT-nin hesablamarın görə dünyada 1.7 milyard hektar torpaq insan fəaliyyəti nəticəsində yararsız hala gəlib. İqlim şəraiti ərzaq təhlüsəziliyi üçün ciddi təhdidlər yaradır. Daşqınlar tufanların həcmi artıb. Apreldə Azərbaycanda1gündə üç aylıq yağıntı yağıb. FAO-nın açıqlamasına görə son 30 ildə hava şəraiti təsərrüfata 3.8 trilyon dollar zərər verib",- Babayev bildirib.

Muxtar Babayev təklif edir ki, iqlim dəyişikliyini nəzərə alıb yebi texnologiyaların tətbiqini artırmaq lazımdır. O hesab edir ki, bununla yanaşı fermerlərin davamlı maarifləndirməsi əsas vəzifələrdən olmalıdır.

Gülnar Nazimqızı