Üç ildə yerli şirkətlər tərəfindən istifadəyə verilən yeni avtomobillərin sayı 10 minə çatıb

2022-ci ildən etibarən Azərbaycanda yerli şirkətlər tərəfindən istifadəyə verilən yeni avtomobil və nəqliyyat vasitələrinin sayı on minə yaxın olub.  Bunu Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) Kommunikasiya departamentinin rəhbəri  Vəli Məmmədov bildirib. 

“Say çoxluğu nəqliyyat sahəsində işçi qüvvəsinin artması, o cümlədən sürücülər, hüquqşünaslar və digər əməkdaşların işə cəlb olunması deməkdir. Hazırda Bakıda 2200-dən çox avtobus fəaliyyət göstərir və bu sistem gündəlik olaraq 1 milyondan artıq sərnişinə xidmət göstərir. Bu, son illərdə avtobus sistemində əldə edilmiş ən mühüm uğurlardan biri sayılır”, o  mayın 2-də keçirilən Nəqliyyat İnfrastrukturunda davamlı həllər media müstəvisində” panel çıxışı zamanı vurğulayıb. 

Aytac Zeynalova